Ekki sakar að lesa yfir grein áður en hún er birt...

Hvaða kröfur eru gerðar til penna á mbl.is? Að auki má spyrja sig að því hvort greinar séu yfirfarnar áður en þær eru birtar. Slíkt ætti ekki að taka mikinn tíma og myndi forða höfundinum, eða öllu heldur [oft lélegum] þýðandanum, frá hneisu:

"Til er þjóðsaga á svæðinu sem hermir að menn og drekar afkomendur tvíbura og að því hafi þeir lifað öldum saman í sátt og samlyndi."

Á milli orðanna "afkomendur" og "tvíbura" er tvöfalt bil og því grunar mig að þar eigi fleyg orð að koma í stað eyðu. En þessi setning lítur ákaflega illa út. Hér er væntanlega verið að þýða grein og höndunum kastað til verksins.

Svona stíl á ekki að greiða há laun fyrir. Kannski er það vandinn. Jæja, þetta verður síðasta færslan mín um þessi mál. Er búinn að eyða, já EYÐA, allt of miklum tíma í þetta bull; bæði við lestur upphaflegu greinarinnar sem og við þessi skrif.

B

Drekaeðlur ráðast á fólk

Athugasemdir

[Karl Kristjánsson (IP-tala skráð) 26.5.2009 kl. 02:16]

Þetta er nú ekki í fyrsta skipti sem þetta gerist, oft eru greinarnar hér frekar bloggfærslur / skoðanir fréttamanna titlaðar sem fréttir. Annað í þessari umræddu grein sem vakti athygli mína var að maður þyrfti móteitur gegn eitrinu... en ekki mótefni eða annað skynsamlegra.

[Kotik, 26.5.2009 kl. 03:11]

Þetta er algerlega óviðunandi fréttamennska og ég get bara ekki þagað öllu lengur yfir þessum hryllilega ósóma. Ef svona viðbjóðsleg viðurstyggð á að viðgangast óáreitt hér, þá sé ég naumast ástæðu til að lifa lengur.

[Björgvin (IP-tala skráð) 26.5.2009 kl. 06:46]

Þú gleymir því allra fyndnasta við greinina, eðlurnar lifa semsagt á dádýrum!

Dádýrin lifa að vísu í annari heimsálfu og hlaupa á margföldum hraða eðla en mbl veit betur.

Annars lifa comodo-drekar aðallega á fisk og hræum, en nýverið hafa þeir tekið af sér hlutverk þvottabjarnarins í ameríku og hreinsa rusl frá mannskepnunni, sem kannski útskýrir aukinn fjölda árása.

[niður með mbl.is (IP-tala skráð) 26.5.2009 kl. 07:47]

málfar, stafsetning og málfræði mbl.is er til háborinar skammar og ég spyr mig of að því hvort þessir rusl fjölmiðlar í íslensku nútíma samfélagi  séu markvisst að reyna að grafa undan íslenskri tungu, ensku-slettu-fjöldinn eykst með hverju árinu og fábjánalegar beinþýðingar á borð við "hinn mikli kínverski veggur" (beinþýtt úr ensku "the great wall of china" í staðinn fyrir "Kínamúrinn") sjást oftar og oftar... mbl.is er ekkert annað en uppblásinn 3. flokks fjölmiðill og starfsmenn hans hafa ekkert vald á íslenskri tungu.

[Jón Ingi (IP-tala skráð) 26.5.2009 kl. 08:34]

Þetta er nú ekki einskorðað við MBL.is.
Hlustið á hina frábæru miðla 365...   Ótalandi lið þar að verki, og jafnvel stór hluti starfsmanna Ríkisútvarpsins geta varla sagt stakt orð rétt lengur.

Því miður virðist krafan um læsi og réttritun vera á undanhaldi í ráðningu fjölmilamanna.

[Guðmundur Zebitz, 26.5.2009 kl. 08:53]

Já og í ofanálag er talað um að bit þeirra sé eitrað. það gefur til kynna að Komodo drekarnir séu svipaðir og snákar en svo er ekki. Ástæða þess að bit þeirra eru hættuleg er vegna þess að drekarnir eru hræætur og í munni þeirra þrífst mikil og skæð sýklaflóra sem sýkir sár eftir bit þeirra. Hefur því í raun ekkert með eitur að gera.

[Baldur Sigurðarson, 26.5.2009 kl. 09:29]

Reyndar er sagt í greininni að bit eðlunnar sé svo eitrað að það dragi menn til dauða ef þeir fái ekki móteitur. Það gefur til kynna að um eitur sé að ræða, en ef svo er ekki hefði átt að standa sýklalyf en ekki móteitur.

Ég er einn af þeim sem er mjög langþreyttur á þessum stöðugu stafsetninga og málvillum hjá mbl.is og hef oft sent þeim athugasemdir. Manni er ekki svo mikið sem þakkað fyrir. Það finnst mér ekki koma málinu við hvort einnig er um sama vandamál að ræða hjá 365 eða Rúv. Það réttlætir ekki vitlseysuna hjá mbl.is.

[Kristinn (IP-tala skráð) 26.5.2009 kl. 10:26]

"Þú gleymir því allra fyndnasta við greinina, eðlurnar lifa semsagt á dádýrum!

Dádýrin lifa að vísu í annari heimsálfu og hlaupa á margföldum hraða eðla en mbl veit betur."

 Kannski veit mbl betur en þú heldur. Á wikipedia stendur þetta:

"Komodo dragons have also been observed knocking down large pigs and deer with their strong tail"

og einnig:

"The Komodo dragon's diet is wide-ranging, and includes invertebrates, other reptiles (including smaller Komodo dragons), birds, bird eggs, small mammals, monkeys, wild boar, goats, deer, horses, and water buffalo."

og:

"The Komodo dragon has also been observed intentionally startling a pregnant deer in the hopes of a miscarriage whose remains they can eat, a technique that has also been observed in large African predators."

[Ólafur Björn Thoroddsen (IP-tala skráð) 26.5.2009 kl. 11:13]

Það er ekki bitið sjálft, heldur er það munnvatn þeirra sem er grasserandi í gerlum af úldnu kjöti sem er fast á milli tannanna á þeim sem gerir þá svona hættulega.   

[Arnar Pálsson, 26.5.2009 kl. 14:57]

Takk Baldur fyrir að taka mbl.is í karphúsið.

Þessi "frétt" er sama marki brennd og margar áþekkar sem mbl.is leyfir sér að birta, illa framsett, hraðsoðin þýðing á einhverju sem starfsmaðurinn hefur ekki fyllilega á valdi sínu. 

Ég tek mest eftir þessi á vísindasíðunni, en ef athugasemdin um "mikla kínverska vegginn" er rétt þá þarf mbl.is alvarlega að íhuga það að reka nokkra penna, og ritstjórann sem yfir klúðrinu ríkir.

Annars gæti þetta verið dæmi um það hvernig forvitnilegum tíðindum er hvíslað í gegnum of mörg eyru. Upprunalega sagan virðist vera á huldu.

Rótin er samt grein í PNAS fyrr í mánuðinum um "eitur í komodo drekum" (hugmyndin um hættulegar bakteríur er samt alls ekki galin). Fyrsti höfundur er Bryan Fry við háskólann í Melborne, snákadoktorinn eins og hann kallar sig (http://www.venomdoc.com/). Ég sá hann flytja erindi einu sinni, og ég hefði getað svarið að mörkin milli vísindalegs fyrirlesturs og dýrasirkus voru orðin ansi óljós. Einn alskemmtilegasti fyrirlestur sem ég hef nokkurn tímann séð. Fyrir kvenfólkið var þetta mjög örvandi erindi, glansandi skalli, opin flaksandi skyrta og glitrandi snákahálsmen...gvöð.

[Arnar Pálsson, 26.5.2009 kl. 15:36]

Eiturdoktorinn á það vitanlega að vera!

[óli (IP-tala skráð) 26.5.2009 kl. 22:37]

Þeir eru eitraðir. Enn menn eru bara nýlega búnir að uppgvöta það enda er það nýt að þeir ráðist á menn. Enn svo eru þeir líka fullir að Salmonellu og öðrum viðbjóði