Jæja, annars er minns kominn á gott skrið með að prjóna eitt stykki lopapeysu. Allt að koma, meira að segja búinn að tengja ermar við bol og er að byrja á munstri á öxlum. Hef náttúrlega prjónað helling af húfum, hosum og vetlingum og fannst tími til kominn að skella mér á peysu. Valdi gott munstur í Lopablaði númer 29 og dreif í þessu. Keypti prjóna og garn og hófst handa. Svo held ég að galdurinn sé að nota tímann eins vel og mögulegt er. Horfi orðið ekki lengur á sjónvarpið án þess að vera með prjóna í hönd. Finnst annað orðið tímasóun, nema myndin sé þeim mun hrikalega betri.

Júmsepípoj. Hvernig væri að fara að blogga reglulega? Nei, held mig við svona handahófskenndar færslur. Þetta er sennilega ekki til að fjölga lesendum, en hefði ég áhuga á því þá myndi ég byrja að svara "fréttum" á mbl.is í gríð og erg. Hef ákveðið að láta vitleysuna þar á bæ ekki taka meiri tíma af mínu lífi. Les þó flippið en smelli ekki á hlekki ef fyrirsögnin er furðuleg eða er ekki lýsandi. Að auki er ég hættur að skoða fréttir um samband Brad Pitt og Angelinu Jolie. Þar tókst mér að spara góðan tíma.

Hehe, svakalega er maður orðinn gamall; 19 ár síðan. Svipaða tilfinningu fæ ég þegar ég segist vera búinn að veiða með Mumma frænda hátt í 25 ár. En þá verður maður líka að bregða sér í líki Sigfinns gamla í Spaugstofunni.

Sjóðheitur,
B

"Til er þjóðsaga á svæðinu sem hermir að menn og drekar afkomendur tvíbura og að því hafi þeir lifað öldum saman í sátt og samlyndi."

Á milli orðanna "afkomendur" og "tvíbura" er tvöfalt bil og því grunar mig að þar eigi fleyg orð að koma í stað eyðu. En þessi setning lítur ákaflega illa út. Hér er væntanlega verið að þýða grein og höndunum kastað til verksins.

Svona stíl á ekki að greiða há laun fyrir. Kannski er það vandinn. Jæja, þetta verður síðasta færslan mín um þessi mál. Er búinn að eyða, já EYÐA, allt of miklum tíma í þetta bull; bæði við lestur upphaflegu greinarinnar sem og við þessi skrif.

B

 Eins og sést á myndunum þá var þessi eldur gríðarlega stór og komst alla leið inn í mannabyggðir. Í fyrstu var þetta pínulítið svæði sem brann en svo hitti kúkurinn viftuna. En eitthvað er nú að draga úr þessu núna. Sagt er að hagstæðir vindar og kaldara loft leiði til þess að auðveldara sé að ná tökum á þessu. Gott mál.

Sá Barcelona mala Real Madrid á laugardaginn síðasta. Hvílíkur leikur! Var staddur á breskum pöbb með Grace og Tomàs. Allt ætlaði um koll að keyra þegar mörkunum var raðað inn. Gríðarlega gaman að horfa á svona leiki með öðru fólki.

http://folfis.blogspot.com/ á Íslandi,

diskarnir: http://www.innovadiscs.com/og

http://www.pdga.com/ fyrir ýmislegt tengdu íþróttinni.

Annars kaupi ég diskana mína í gegnum http://www.discgolfcenter.com/ .

 Svo dró tið tíðinda í janúar á 9 holu IV vellinum, sem geymir reyndar mjög stuttar brautir, þegar ég fór holu í höggi, eða réttara heldur holu í kasti. Týndi reydnar þeim diski þremur dögum seinna í síki á 18 holu Evergreen vellinum. Það er á holu 10 sem diskar týnast gjarnan. Týndi einmitt einum hvítum fyrir tveimur vikum. Ég merki diskana í bak og fyrir, set íslenska fánann og netfang framan og aftan á diskana ásamt nafni á um 10 stöðum. Fékk svo skeyti úr síma einhvers dúdda sem hafði fundið hann og látið mig vita. En þegar ég komst loks í að hringja í hann var hann ákaflega miður sín og sagðist ekki vera með diskinn minn lengur. Þegar hann var að labba til baka á einni brautinni sá hann gaura vera að leita að diski á sama stað og hann hafði fundið diskinn minn. Spurði hann þá hvort þá vantaði hvíta gasellu með fána á. Jú, það kom heim og saman, þeir sögðust einmitt eiga þann disk, tóku diskinn og þökkuðu fyrir! Með íslenska fánann bak og fyrir! Þetta eru durtar og dusilmenni sem tóku diskinn minn og óska ég þeim krabbameini í eistum. Gaurinn sem fann diskinn minn var auðvitað miður sín og sagðist myndu ganga betur úr skugga hvort réttur eigandi væri, næst þegar hann finnur disk. En ég þakkaði honum hins vegar vel fyrir og sagði að svona framkomu gauranna vildi maður ekki gera ráð fyrir, heldur væntir meiri heiðarleika af fólki.

Alla vega, einhverjir eru að nota disk með nafni mínu á 10 stöðum, netfangi og íslenska fánanum bak og fyrir. Magnað að hafa góða samvisku í slíkt. Nú vita 15 félagar mínir af þessu og þeir þekkja diskana mína mjög vel. Þeim þykir gaman að gera grín að mér fyrir að merkja þá svo vel, en allt kom fyrir ekki.

 Þennan póst hef ég ætlað að skrifa í um einn og hálfan mánuð. Skemmtilegt hvað það tekur langan tíma að koma sér að verki. Lofa engu um áframhaldandi ritræpu. Yfir og út...

Svo er aðalstuðið fólgið í því að skella sér upp í flugvél um eftirmiðdaginn þann 1. janúar á nýju ári. Það verður upplifun.

Miðinn var mjög ódýr. Ekki.

Hlakka mikið til að hitta vini og vandamenn. Sjáumst hress og kát, það þýðir ekkert annað.

 Annars voru magnaðir skógareldar hér í síðustu viku. Á meðfylgjandi mynd má sjá hversu heitt okkur varð! Nei, bara grín. Þetta er ekki húsið okkar en aftur á móti er þetta hús bara rétt hjá miðbæ Santa Barbara. Frekar spúkí að yfir hundrað heimili í Montecito (þar sem Oprah og John Cleese eiga heima) hafi brunnið til kaldra kola. Hann Rob Lowe missti víst húsið sitt, greyið.

Á fimmtudaginn fengum við á Coolbrook lane okkar fyrsta flóttafólk. Helmingur stelpnaskarans úr Hausdorff (gælunafn hússins þeirra) gistu hjá okkur þar sem mikill reykur og aska gerði það að verkum að óþægilegt var að anda inni hjá þeim. Þær Ellie (í stærðfræðideildinni og er kærasta Jons sem leigir með okkur) og Sonja (önnur stelpa í stærðfræðinni, eða réttara sagt kona þar sem hún er yfir þrítugt hehe), gistu hjá okkur á fimmtudaginn. Við fengum reyndar eitt stykki kött í þokkabót en honum skelltum við inn til Jons svo að hann skítaði bara út teppið hjá honum. Nei, ég segi nú bara svona. Kötturinn er fínn, hann skiptir hins vegar um öll líkamshár á um það bil viku fresti.

Er byrjaður að spila tennis við liðið í deildinni og gengur frekar illa. Held að ég hafi verið betri í Svíþjóð þegar ég var 7 ára.

Svo finnst mér hann bera af öðrum í lýsingum á knattspyrnuleikjum. Ég þoli nefnilega ekki þegar Arnar Björnsson byrjar að bulla um hvort brot hafi átt sér stað því taka þurfi tillit til þess hvort leikurinn sé mikilvægur eður ei. Brot er brot og sé það innan teigs þá er einfaldlega víti. Þurfi að reka leikmann af velli fyrir augljóst brot þá er það ekki dómarinn sem "skemmir" leikinn heldur leikmaðurinn sjálfur. Svo í þokkabót er enginn leikur eyðilagður eins og Arnari finnst gaman að góla. Reglurnar eru hluti af leiknum og ég bara skil ekki hvert vandamálið er þegar einn til tveir leikmenn fá rautt spjald og ef til vill dæma þarf víti. Þannig fer þá sá leikur og þar við situr. Þegar öllu er á botninn hvolft þá er þetta leikur með ákveðnum reglum og hið skemmtilega í þessu er að allt getur gerst, og þá sem hluti af leiknum.

Jæja, ég missi mig alltaf þegar ég hugsa til hvað fólk getur bullað mikið. En þess vegna hef ég einmitt verið svo ánægður með Gumma Ben því hann er svo dásamlega laus við alla vitleysu og stæla. Hann bara spilar sinn fótbolta og veit út á hvað þetta gengur.

Enn á ný vertu velkominn!

Jibbí. Og stend við það. Hvet landsmenn til áframhaldandi bjartsýni. Þetta reddast. Er annað hvort í Santa Barbara eða LA. Hvað í ósköpunu fær fólk til þess að lesa þetta blogg annars? Er svo latur að skrifa að hætta ætti þessum skrifum. Svo er ég ekki einu sinni fyndinn í þessum pósti, og hann lengist bara við hvert orð skrifað. Þetta er ófyrirgefanlegt, eins og Árni Indriða myndi segja.

 Nei, bíðum við. Ég get bætt nokkru við þennan póst. Meðfylgjandi er mynd af Íslendingum í Santa Barbara úr teiti sem var haldið í höllinni okkar Jóns, Sveins, Eyrúnar og Jonathan. Allri stærðfræðideildinni var boðið sem og eðlisfræðinni og tölvunarfræðideildinni. Gríðargott geim, eins og sést á myndinni.

Bý sem sagt á 465 Coolbrook Lane, Goleta, CA 93117 í gríðarstóru og góðu húsi ásamt þremur Íslendingum og einum Kana. Þétt.

Behave 

Veiddi 17-18 punda dreka í Laxá í Aðaldal á klassíska Silver Wilkinson einkrækju númer 1/0, hnýtta af sjálfum mér. Andri, bjallaðu í mig í síma 6929493 upp á klassískar flugur. Náði líka öðrum 8 punda. Besta við þann túr var reyndar að komast aftur í veiði með Mumma frænda. Fórum við svo í enn meiri veiði og veiddum nóg af dýrindis laxi og bleikju. Allt verður þetta etið, að sjálfsögðu.

Gekk Laugaveginn í góða vina hópi. Fékk meira að segja Kanana tvo, þær Brittany og Aletheu með. Fengum gríðarlega gott veður og höfðum meira að segja bjór með pulsunum þar sem trússbíll var með í för. Kunnum við Tomma miklar þakkir fyrir aksturinn.

Svo hef ég verið með aðstöðu niðri á Hafró í sumar og komið ýmsu í verk varðandi námið. Ég er farinn að hlakka til að demba mér í fiskistöppuna þar ytra og halda áfram að skrifa greinar og slíkt.

Endurnýjaði kynni mín af prjónum. Er að leggja lokahönd á húfu sem ég mun ekki nota í Santa Barbara. Hins vegar ætla ég að standa við stóru orðin og prjóna lopasmokk handa Begga af því hann gerði svo mikið grín að mér. Það verður nú ekki mikið mál því ég er orðinn svo góður og svo þarf smokkurinn ekki að vera mjög stór.

Nú, tel mig hafa gert vel með þessum pósti. Ég mun sennilega breyta honum svo ekki sjáist taki ég eftir einhverju mikilvægu sem vantar. Yfir og út...

mögnuð könguló, nánar tiltekið svört ekkja, hreiðrað um sig í fataskápi hjá Aletheu og þremur

öðrum stelpum hér í Santa Barbara. Okkur Aletheu tókst að góma hana í Tupperware-box og má sjá

staðfestingu á því hér. Ekki vildum við deyða svo tignarlega könguló, enda eru þær seinþreyttar til

vandræða þótt baneitraðar séu. Keyrðum við því með hana upp í fjallshlíð og slepptum. Gekk það

reyndar eitthvað brösuglega en hafðist á endanum. Mæli með að mannskapurinn kynni sér þessar

skepnur þar sem þær fyrirfinnast ekki á klaknum, sem og öll önnur eitruð skordýr. 

Jamms, titillin kemur frá lítilli telpu sem sá mig í stórmarkaði í fullum skrúða. Ég var með hattinn minn,

hring, skyrtu, brúnan leðurjakka og síðast en ekki síst, ógnarflott kúrekastígvél og var á leið á krá að

dansa línudans. Eitthvað var hún nú smeyk við mig þrátt fyrir að ég reyndi að brosa og veifa til hennar

en hún var sem stjörf, hljóp til ömmu sinnar og gólaði fyrirsögnina í um það bil tveggja metra fjarlægð

frá mér. PRICELESS! 

Nei, annars, þetta átti að vera svalur titill. Kannski er hann það en málið er að ég á ammli í dag. Ég er

teningur. Og ekki nóg með það heldur er ég einnig n^{n}, þar sem n=3. Það gerist næst þegar ég

verð 256 ára gamall, þ.e. n=4. Er ekki viss um að ég nái að sjá þann dag, en það væri svalt. Næsti

teningsdagur er svo 4^3=64, svo ég þarf að bíða talsvert lengi eftir því. Aftur á móti hlakka ég mikið

þrítugsaldursins: 32=2^5, 36=6^2 (ferningur!) og svo eru fjölmargar frumtölur þar á milli.

Á næsta ári verð ég þó fullkominn, 28 ára gamall. 28=14+7+4+2+1. 

Jæja, yfir og út.