Siggi's skyr

Hah, hversu svalt er þetta:

Siggi frændi orðinn heimsfrægur á klakanum          

Við Mummi fengum nú ekki að smakka skyrið þegar við heimsóttum hann í New York hér um árið enda ekki búið að flóa skyrið þá. Hins vegar finnst mér gríðarlegur bömmer að þetta blessaða skyr fæst ekki hér á vesturströndinni. Ég hringi barasta í Sigga og bið hann um að senda mér nokkrar dollur, hahaha. Verð að benda gamla settinu á að smakka afurðina þegar þau verða í NY um áramótin.

Annars er næsta verk á dagskrá að smakka þetta gríska jógúrt sem ég keypti nýlega í Trader Joe's. Best að láta Sigga ekki vita af því þar sem helstu keppinautarnir eru einmitt Grikkirnir með sitt feita jógúrt.

Ég veit annars ekki hvað segja skal um lúkkið á Sigga, sítt hár og skegg. Orðinn dálítð Jesú-legur eitthvað. En ég sjálfur er nú kominn með ansi góðan lubba en skeggið hef ég látið eiga sig. Læt mér bartana duga en þeir voru hugsaðir sem stoð undir hárið enda er ég nú með ansi mikil þyngsl á hausnum. Siggi hefur örugglega verið að hugsa hið sama, enda má sjá að skeggið ballanserar vel á móti makkanum að aftan . Annars væri Siggi með stöðugan hálsríg.

Jæja, komið nóg af þessu sprelli hér í endann. Gaman að sjá að allt gengur vel hjá Sigga en það vissi maður nú svo sem fyrir. En það breytir því ekki að ég hef ekki enn smakkað gúmmulaðið

Sagði skilið við fjármálahverfið og hóf framleiðslu á skyri í New York

Athugasemdir

[Guðmundur Steinbach (IP-tala skráð) 20.11.2007 kl. 14:26]

Sá þetta einmitt líka.

Fín grein um hann í Mogganum. Siggi frændi klikkar ekki.
Ég smakkaði einmitt skyr hjá honum ári eftir að við tveir fórum til NY. Þá var hann farinn að framleiða í eldhúsinu hjá sér. Þetta var mjög gott hjá honum en hann var ennþá að fullkomna ferlið þannig að ég geri ráð fyrir því að þetta sé orðið stórgott hjá honum núna og ekki langt þangað til að skyrið hans verður orðið velþekkt um gjörvöll Bandaríkin.

Reyndar vona ég að það gerist sem fyrst þanig að hann hafi kannski tíma til að kíkja á klakann oftar til að veiða með okkur. ;)