Þar kom að því...

Hef ekki smellt neinu hingað inn þar sem mikill hasar er búinn að vera við að fara yfir próf og skila
verkefnum í kennslufræðinni. Allt hafðist þetta einhvern veginn og er einkunnaafhending í MR í dag.
Jibbí 

Fór svo með hjólið í viðgerð í morgun. Var að hjóla heim um daginn þegar hjólið tekur upp á því að
skipta um gíra með sekúndu millibili. Þegar heim var komið tók ég eftir því að tannhjólin á afturdekkinu
voru laus og þegar ég sneri þeim þá hringlaði í þeim. Það besta var samt eftir: þegar ég tók
afturdekkið af þá hrundu tannhjólin af og legurnar [pínulitlar kúlur] fóru út um allt. Ætlaði sjálfur að
reyna að gera við þetta en það er víst varla í mannlegu valdi. Fór því með hjólið til skapara þess og
kom þá í ljós að skrúfa sem á að halda tannhjólunum í skorðum fyrirfannst ekki. Bömmer.

Ojæja. Er búinn að sannfæra mig um að ég hafi engu klúðrað þegar ég skipti um dekk og ætla því ekki
að borga krónu fyrir nýtt tannhjólasett. Sjáum hvernig það fer.

Athugasemdir

[Mummi (IP-tala skráð) 20.12.2006 kl. 18:30]

Þar kom vel á vondann. Það er hvort sem er ekki á það leggjandi að hjóla í svona veðri.

Bara vera heima og sötra á ljúfum drykkjum og horfa á enska boltann.