Við erum KR-ingar, við tippum...

Útlitið er heldur svart fyrir okkur pabba í hópleik KR-getrauna. Við erum "Gullmolarnir" og eftir 6
umferðir vorum við kyrfilega fastir við botninn. Og þá er ég ekki aðeins að meina botninn á riðlinum okkar. 
Nei, heldur vorum við neðstir af ölllum 112 hópunum: vorum með 43 leiki rétta [af 78 leikjum]
og næsti hópur með 45!         

Eftir síðasta laugardag vænkaðist aðeins hagur okkar pabba; við erum ekki lengur neðstir!!!
Reyndar á það aðeins við um alla hópana 112, þ.e.a.s. fullyrðingin "Til er verri hópur en Gullmolarnir"
er nú orðin sönn fullyrðing. Reyndar erum við neðstir í riðlinum okkar en við spyrjum að leikslokum; við
ætlum okkur nefnilega að fá 13 rétta síðustu 3 skiptin, vinna riðilinn og fá nokkrar milljónir í vasann.
Alveg pottþétt!

Athugasemdir

[Mummi (IP-tala skráð) 26.11.2006 kl. 21:38]

Þú hlýtur að geta diffrað þetta tippfall og gert eitthvað af viti.
Bara muna að tippa aldrei á Liverpool á útiveli

Eða bara taka haglabyssuaðferðina á þetta.

[Baldvin Einarsson, 26.11.2006 kl. 21:44]

Heyrðu! Þínir menn klikkuðu aldeilis á móti Bolton. Hvað var málið með það? Ég hélt að Arsenal væru með fallbyssurnar klárar.
Sá nú reyndar ekki leikinn en mér fannst það klént, þ.e.a.s. vegna þess að ég tippaði á Arsenal  . 
Aftur á móti getur Liverpool ekki blautan, það vita allir!

[Mummi (IP-tala skráð) 27.11.2006 kl. 12:04]

Ég hefði geta varað þig við að tippa á Arsenal í þessum leik.
Þetta var ef ég taldi rétt 6. leikurinn í röð á móti Bolton sem Arsenal vinnur þá ekki.

Þeir gera alltaf á sig á móti Bolton.