Look grandma, a REAL cowboy!

Í síðust viku átti ég stefnumót við afskaplega magnaða dömu. Um nokkurra vikna skeið hafði ansi

mögnuð könguló, nánar tiltekið svört ekkja, hreiðrað um sig í fataskápi hjá Aletheu og þremur

öðrum stelpum hér í Santa Barbara. Okkur Aletheu tókst að góma hana í Tupperware-box og má sjá

staðfestingu á því hér. Ekki vildum við deyða svo tignarlega könguló, enda eru þær seinþreyttar til

vandræða þótt baneitraðar séu. Keyrðum við því með hana upp í fjallshlíð og slepptum. Gekk það

reyndar eitthvað brösuglega en hafðist á endanum. Mæli með að mannskapurinn kynni sér þessar

skepnur þar sem þær fyrirfinnast ekki á klaknum, sem og öll önnur eitruð skordýr. 

 

Jamms, titillin kemur frá lítilli telpu sem sá mig í stórmarkaði í fullum skrúða. Ég var með hattinn minn,

hring, skyrtu, brúnan leðurjakka og síðast en ekki síst, ógnarflott kúrekastígvél og var á leið á krá að

dansa línudans. Eitthvað var hún nú smeyk við mig þrátt fyrir að ég reyndi að brosa og veifa til hennar

en hún var sem stjörf, hljóp til ömmu sinnar og gólaði fyrirsögnina í um það bil tveggja metra fjarlægð

frá mér. PRICELESS! 

Athugasemdir

[Hinni (IP-tala skráð) 21.5.2008 kl. 12:56]

Ég verð að vera soldið óánægður með þig að þú hafir ekki tekið Jón Páll þér til fyrirmyndar og öskrað "Iam not a cowboy Iam a viking". en hér öskrar hann svipað http://strongestman.billhenderson.org/sounds/noeskimo.wav