The Creek Side Inn

Síðast miðvikudag (í febrúar) fór ég með Aletheu og Brittany á ofangreinda krá hér í Santa Barbara.

Heldur betur prýðileg lífsreynsla því hér var um almennilega sveitakrá að ræða, þ.e. "country". Alethea

og ég vorum bæði með hattana okkar, sem og ríflega helmingur gestanna. Þarna hittum við fyrir hann

Henry, sem er um fimmtugur félagi okkar frá The Old Town Tawern, og  auðvitað var hann með hatt

og beltissylgju. Hress gaur hann Henry. Það var reyndar líka mjög svo vafasamur eldri gaur sem

reyndi við nánast hvern einasta kvenmann á staðnum og hefur einnig sést til hans á skemmtistað

niðri í bæ, reynandi við stelpur örugglega þrjátíu árum yngri en hann. Svo voru þarna stelpur, alveg

pottþétt ekki orðnar 21 að kynna nýjan drykk, American Honey, og gengu um með skot. Þetta er ein

mesta sykurleðja sem ég hef smakkað. Fengum við reyndar öll bol frá þeim og auðvitað mættum við

í þeim í skólann næsta dag. 

 

Lærði ég að dansa hið s.k. "Two Step" við geðveikislega glatað country-lag og fylgdist með Brittany 

og Aletheu dansa línudans af miklum ákafa. Er meiningin að fara með mig aftur á næsta miðvikudag 

klukkan 7 til þess að mæta í línudanskennsluna. Djöfull verð ég orðinn magnaður kúreki þegar ég 

kem heim! 

Athugasemdir

[Guðmundur Steinbach (IP-tala skráð) 5.3.2008 kl. 16:39]

Ég samhryggist með að þú sért neyddur til að dansa. :p

Svo spyr maður sig hvaða Brokeback fílingur þetta er þarna í Káliforný.

[Maria (IP-tala skráð) 6.3.2008 kl. 01:27]

Talandi um þessa hatta, ég mátaði hattinn hans pabba þíns þegar þau komu til okkar á þrettándanum, og fór hann mér alveg stórvel, hann smellpassaði líka. Ég ætlaði alltaf að hafa samband við þig og reyna að fá þig til að senda mér stykki, eða koma einum einhvernvegin til mín, en steingleymdi því svo.

Ég hef samband fljótlega til að heyra meira um þessa hatta og annað :) Alltaf gaman að sjá myndir af þér á Facebook ;)

[Fríða (IP-tala skráð) 19.3.2008 kl. 14:58]

Til lukku með daginn þinn í dag, vona að hann verði þér sem ljúfastur :)

Knús frá Köben.

[Svenni (IP-tala skráð) 3.4.2008 kl. 10:01]

Guð minn góður Baldvin. Ef þú lærir línudans þá, þá drep ég þig. Alveg sama þótt það sé til að komast í buxur kvenna, þetta er bara of asnalegt.