Hestur á túr

Undanfarnar vikur hef ég staðið í túrhestastússi sem aldrei fyrr. Um miðjan júní kom hér amerísk
stelpa, sem ég kynntist úti í Santa Barbara, ásamt bróður sínum. Voru þau hér í rúma viku og treystu
á mig til þess að sjá um stuðið. Held barasta að ég hafi staðið mig með ágætum og bendi á myndir á
FaceBook hjá Brittany nokkurri Erickson. Skráið ykkur endilega inn á FaceBook ef þið eruð nú þegar
ekki skráð. (Skohh, maður barasta byrjaður að agítera fyrir þessum tímaþjófi)

Alla vega, hversu oft fer maður sjálfur upp að Gullfossi og Geysi? Ég hafði ekki farið að Gullfossi í um
15 ár. Var búinn að steingleyma hversu magnaður fossinn er. Nokkur ár eru síðan ég gekk síðast
niður Almannagjá og um allt Þingvallasvæðið. Keyrði svo einnig með þau um Snæfellsnesið og sá m.a.
Arnarstapa.

Komst að því að það er býsna magnað að vera ferðamaður á Íslandi og ekki spillti veðurblíðan  .

Svo er önnur amerísk stelpa hér á landi sem ég er að vinna að verkefni með og með henni er ég búinn
að ganga upp að Glym í Hvalfirði, hæsta fossi landsins, og stefni að því að fara enn á ný "The Golden
Circle" með henni og foreldrum hennar. Óli, vinur minn, ætlar meira að segja að koma með. Reyndar
stefnir í að við fáum alvöru íslenskt veður þar sem byrja á rigna fljótlega. Sólarviðrið undanfarnar vikur
hefur verið algjört rugl! Svona veðri á maður ekki að venjast hér á klakanum.

Yfir og út
               brúnn á nebbanum.

Athugasemdir

[Óli (IP-tala skráð) 5.7.2007 kl. 20:06]

Ég held að þetta verði bara skemmtileg för. lítur út fyrir að þú munir þurfa að setjast afturí milli bandarísku sálfræðinganna tveggja þar sem ég sit við stýri ;).

Við verðum bara að vona að sálfræðingarnir framleiði ekki sjálfir tvö stikki "Gullfoss" niður kinnar Baldvin, tja kvað veit maður kanski tekst þeim að láta einhverjar gleymdar tilfinningar "geysa" fram á yfirborðið eftir eins og hálfs tíma sálgreiningu í aftursætinu.

Kanski eru þau að misskilja kvað þú ert að bjóða þeim uppá "Baldvin is going to show us Gullfoss and Geysir" ;).

Verðum í bandi kall.

kv Óli fili bom bom.....

[Baldvin Einarsson, 6.7.2007 kl. 12:54]

Hahaha, nei veistu, ég sagði stelpunni að hún yrði aftur í með foreldrum sínum. Ég myndi ekki meika að sitja með tveimur ókunnugum sálfræðingum í nokkra klukkutíma. Sér í lagi þessum sem eru víst frekar spes, að sögn dótturinnar

En það er næsta víst að þetta verður prýðilegasta ferð! Annars stefnir í að ég fari gullna hringinn í þriðja sinn í sumar, þar sem ég var beðinn um að taka þátt í að sjá um kaffið á ráðstefnu í ágúst. Yrði boðið í kvöldmat á hótel Geysi. Hvílíkt sumar!