Já, þvo á sér klofið

Ætlaði í sund í gær [laugardagur] í Vesturbæjarlaug. Af einhverjum ástæðum lokaði hún klukkan 6 en
ekki klukkan 8  eins og venjan er. Þá var stefnan tekin á Laugardalslaug en þegar ég var að snúa við
þá mætti ég Ameríkana frá San Fransisco sem var frekar spældur og spurði um laugar í nágrenninu.
Bauðst ég því til að skutla honum niður í Laugardal og sagðist hvort sem er á leið þangað. Var hann
mjög þakklátur og svo sýndi ég honum hvernig hefðbundin sundlaugarferð [þ.e. pottaferð] færi fram.

Reyndist hann mjög skemmtilegur og spjölluðum við saman allan tímann um heima og geyma. Hann
spurði um góða veitingastaði og mælti ég að sjálfsögðu með frænda mínum Sigga Hall á Óðinsvéum.
Svo ætti hann að fara á sunnudeginum til Þingvalla og sjá Almannagjá. Hann ætlaði nefnilega bara að
vera yfir helgi hér á klakanum og þyrfti því að takmarka skoðunarferðirnar og taldi sig vera búinn að
sjá nóg af bænum.

Að lokum skutlaði ég honum svo barasta á Holtið þar sem hann gisti. Gaf honum netfangið mitt og vildi
hann endilega að ég hefði samband ef ég kæmi aftur til Californíu.

En eitt skil ég ekki varðandi Bandaríkjamenn. Nú fórum við í sund og hafa Íslendingar þann háttinn
á að þvo sér almennilega áður en farið er í sund og gera það allsberir. En Kaninn var í
sundskýlunni innan undir buxunum og fór rakleiðis út í pott. Varð ég var við þetta þegar ég var í
Santa Barbara og þótt frekar glatað. En ég sagði auðvitað ekki neitt, en datt auðvitað í hug
Fóstbræðra-sketsinn með Benedikt Erlingssyni og Hilmi Snæ. Hefði getað gert gott grín úr þessu en þá hefði
hann talið mig snaröfugan og skrýtinn. Hversu fyndið hefði samt verið ef ég hefði reynt að rífa af
honum skýluna

Athugasemdir

[Guðmundur Steinbach (IP-tala skráð) 8.5.2007 kl. 17:01]

Þetta hugsanlega grín er eitthvað sem ég hefði jafnvel verið til í að borga fyrir að sjá.

Kaninn getur verið svo skrýtinn með eitthvað svona.

[Hinrik Ingi (IP-tala skráð) 8.5.2007 kl. 18:58]

Þú hefir bara átt að fá sturtuverðina með þér í lið og í sameiningu baðað kanann.

[Svenni (IP-tala skráð) 10.5.2007 kl. 16:37]

Benedikt Erlingsson. Þetta fer í kladdann. Uss!!

[Nemandi (IP-tala skráð) 11.5.2007 kl. 16:22]

Hæ kennari! Ég er að leita að upplýsingum um stærðfræðikennara og þykist vera að gera eitthvað að viti.

[Baldvin Einarsson, 11.5.2007 kl. 21:17]

Ég biðst innilega sáðláts, Svenni. Enda er ég búinn að breyta færslunni og falsa. Hahaha, nú mun enginn skilja hvað í ósköpunum þú varst að bauna á mig... En það sem mér finnst fyndið er hvað þér er fúlasta alvara með þetta. Góður ! :)

Ps. rakst á Benedikt sjálfan í Þingholtunum í dag og spurði hann barasta út í sketsinn. Hann kvittaði sem sagt undir að hafa tekið þátt í honum ásamt Hillmi Snæ. Hefði auðvitað átt að biðja hann afsökunar á mistökunum, hahaha. Annars varði samtal okkar Benedikts í um eina og hálfa mínútu, lengra var það nú ekki.

[Baldvin Einarsson, 11.5.2007 kl. 21:19]

Bíddu nú við! Hvaða glataða grín er þetta komment númer 4 ? Þokkalega ætla ég að biðja mbl.is um IP-töluna og lækka einkunnir viðkomandi nemanda, muahahahahahahahahahahaha

[Ólafur (IP-tala skráð) 13.5.2007 kl. 20:49]

í hundraðasta sinn skal það takast